大bb早前食飯時曾經幾次濁親，繼而面都青埋同冇曬胃口 開始擔心佢吞嚥有問題，喺群組問大家意見時，有照顧者建議帶大bb去見言語治療師了解吓狀況。

原來揾言語治療師都得？

之前一路都以為言語治療師係只睇言語問題，都唔知原來吞嚥係可以搵佢哋幫手? 好似職業治療師咁成日畀個名呃咗 ?

經過言語治療師檢查同了解後，話大bb吞嚥機能尚好，只可能係食嘢時會心急同食較大嚿同混合食物時會容易落錯格，所以呢方面我哋要多多注意 以免意外發生⋯⋯