K. MOK 已回應的帖文
老人家年紀大左真係有機會比較固執，可能唔係太想有改變，又或者唔係好知點面對改變，所以如果未得到佢老人家同意走去幫佢收拾房間，好多時得到嘅都唔會係讚賞，反而俾佢鬧仲乜搞佢嘅嘢。
凡事多溝通總係會幫助，可以試下叫姐姐幫婆婆執房前先通知婆婆，睇下嗰日婆婆想唔想姐姐幫手執，如果婆婆嗰日唔想有人郁動佢嘅嘢咁咪唔執住，另一日再試問下，總有一日婆婆會覺得要執，姐姐俾人鬧嘅機會少左。或者可以試下定好每星期指定日子姐姐就會執房，睇下有無幫助。
如果婆婆聽你講，肯去睇醫生係最好，因為有時老人家會覺得尷尬，唔肯去睇醫生。
如果日間會有時間一齊相處，可以試下幫婆婆建立定時上厠所嘅習慣，例如見佢食左早餐飲左水，隔15分鐘問下佢要唔要上厠所，同佢出街前又提醒下，見佢飲左水，又提下，開始之初，可能有需要扮自己都有上厠所嘅需要，順便問下婆婆，咁老人家覺得人人都有呢個需要上厠所，係好普通嘅事，唔係因為佢做唔到先提佢，可能會少左尷尬。慢慢試下，或者會有幫助減少整濕條褲嘅情況。
有時帶老人家睇醫生喺後生睇嚟係治本嘅方法，反而有時老人家首先係期望感受到被接納和包容，然後再一齊共同尋求解決方法。
照顧者可以試下聽下舒情的音樂 俾少少時間完全係屬於自己的時間
或者試下做10-15分鐘拉筋伸展運動 身體動一動會釋放安多芬 會令我地不其然覺得開心舒暢
如果大家身邊有照顧者 都可以主動表達關心 很多時候照顧者感到好辛苦只有自己1個撐起所有壓力時 知道原來有人理解和關心自己 都會有助減壓
也希望社區會有更多資源幫助照顧者 讓佢地有個安心的喘息空間
可以由自己身體力行在家做下簡單運動，做下原地伸展操、手指操、毛巾操，引起長者嘅好奇同關注，屋企人做一些平時無做嘅嘢，都好自然關注下，然後就邀請佢一齊玩，長者有人邀請佢，佢會覺得受尊重有面子，值此提升参與的興趣，有時叫佢地做運動嘅難處係我地一開口佢地就say no，長者期望家人陪伴，有時不單單是坐喺佢身邊嘅陪伴，反而係一齊做同一件事有交流佢地就不其然份外開心。
可以建議家中長老試下飲豆漿，或者約定一齊飲，長老肯飲奶，我地照顧者都飲，大家一齊有份参與，身體力行一齊為自己健康加油！