新增回覆
奶奶係素食者,要食咩先夠營養?
# 15216 happybee

奶奶係素食者,食左30年,有食五辛同蛋奶,佢最近跌斷手煮唔到飯,我要幫手煮,但唔知煮咩先夠營養。

佢跌親仲發現有骨質疏鬆,我地成家都好頭痕啊,好彩佢除左斷手無咩事。

# 15231 Betty

自己近幾年已經少食肉,慢慢也覺得不是太難找食材。特別多得環保人士推廣素食有關。

除了素肉,香港有很多蔬菜,菇類,瓜果,選擇很多。若果無法想出煮什麼,可以上网打素食,有不同國家的菜單可以選擇。更有不同視頻,一步步教授,都非常易學。不妨試試看。

今晚我就煮奶油娃娃菜,炒什菇,粟米羹,Bon Appetit !

# 15235 陳老太

素食者基本是除魚類,肉類,部份人會戒吃蛋奶類。故此,平常需均衡食材配合便可。紫菜,海藻類可代替魚類,豆類可代替蛋白素。運動及曬太陽可防肌肉骨骼缺少養份。長者基本吸收比較慢,小吃多餐是養生延壽的上選😊

# 15248

素食者,食物多樣化,除了常餐均衡各種蔬果,還有不少零食,如合桃,開心果,腰果,杏仁,紫菜,等等還有黑芝麻是很好的保腎食物,杞子放水微波爐煮,很好的補肝益眼小食,勤做運動,晒太陽,做個健康的素食者。

# 15258 靚姐

食物均衡已經夠營養㗎啦, 總之種類要多樣花, 全穀雜量為主食, 配埋豆類食用總好, 記住要經常變化烹調用油, 每日至少食一份堅果種子類, 同埋一份深色蔬菜, 並且要食用各種菇類和藻類, 加埋當季水果同正餐食用咁就正啦. 唔好唔記得要曬下太陽呀, 20分鐘就夠….你都要放鬆啲, 奶奶好快好番㗎啦

# 15272 Noelle Ng

煮些豆品類、豆類、深色蔬菜食品,如沒有嚥吞困難,餸菜如鮮茄煮素雞、蠔汁煎素鴨、蠔油煮軟豆腐、大荳芽豆腐粒湯、紫菜豆腐蛋花湯、芝麻醬涼拌秋葵、無花果栗子什豆素湯(無花果乾+喜歡的豆類,記得連湯渣吃才有益)、生磨杏仁糊、生磨芝麻糊⋯⋯。其實素食也有很多食材,只要配搭合宜及均衡飮食(不偏食),實在有很多選擇。最重要是「色、香、味」也能吸引長者多吃點,如酸甜味道,提升食物味道的天然香料&食材,如香茅、咖喱、茴香(各種香草)、芫荽、蔥、薑、蒜都可提升食物味道。

另要有適當運動,每日最少半小時輕量運動;每天曬下太陽,最合適在早上(個人意見在早上7:00-10:00),心情開朗,就活得健康,有家人陪伴就更是賞心樂事!

# 15274 苦口良藥

睇完大家既提議都覺得好有用啊!

咁我就補充少少資訊啦。

素食者有幾種營養的確係會易啲忽略左:維他命B12和鈣質。

身體缺乏維他命B12可能會出現記憶退化同貧血等問題。不過你奶奶食蛋奶素,可以透過飲奶同食蛋補充維他命B12。但如果其他素食者唔食蛋奶素,可以選擇市面上一些早餐穀物補充一下維他命B12,仲可以參考埋營養標籤!

而身體如果缺乏鈣質,就有可能出現骨質疏鬆既問題,唔理既話更會有可能骨折!雖然你奶奶會飲奶,但都可以透過食硬豆腐同深綠色蔬菜,補充鈣質。

其實好多人都覺得食素會營養唔均衡,但係只要食得多種顏色既食物,就可以好健康啦!

 

 

# 15345 Patrick 偉明

 

奶奶係素食者,要食咩先夠營養?

這是我個人的感覺:

素食對長者只是晚年中的一種生活方式。長者對食素大部份因是自己健康的需要而需要。

素食材料也有足夠多種營養供長者採用,例如豆類,菇類,奶品,堅果和旦類等等。

年青的食素者只為他們的生活中多一些姿采和選擇。市面上的素食達人搜購各式各樣材料去滿足他們的慾望。

 

# 15347 歐炳棠

睇完大家既提議都覺得好有用啊!

咁我就補充少少資訊啦。

素食者有幾種營養的確係會易啲忽略左:維他命B12和鈣質。

身體缺乏維他命B12可能會出現記憶退化同貧血等問題。不過你奶奶食蛋奶素,可以透過飲奶同食蛋補充維他命B12。但如果其他素食者唔食蛋奶素,可以選擇市面上一些早餐穀物補充一下維他命B12,仲可以參考埋營養標籤!

而身體如果缺乏鈣質,就有可能出現骨質疏鬆既問題,唔理既話更會有可能骨折!雖然你奶奶會飲奶,但都可以透過食硬豆腐同深綠色蔬菜,補充鈣質。

其實好多人都覺得食素會營養唔均衡,但係只要食得多種顏色既食物,就可以好健康啦!

 

 

因五辛和蛋奶也吃的素食者在食物選擇方面的範圍也多了。起碼可叫他們每天都喝牛奶或羊奶,吃芝士和乳酪等含鈣和蛋白質食物。葱,蒜等增強扺抗力的食物也可用來给他們煮食。其實各類蔬食,菇類,蛋類等各種都含有不同的維他命和微量元素,可每天選擇不同款類食材烹調。毘布,海帶,紫菜放湯又好味又含有豐富錪質,可補充不去吃海鱼,貝類等而缺乏的维生素。如沒有痛風可選擇各款豆類和合挑,腰果等煮素湯(加雪耳,准山等一起煲),好美味。黑芝蔴磨粉每天一匙對身體好得很。可煮三色米(白米,糙米,红米)飯,好吃加糙米可補充素食者的维他命B。坊間有很多教者素食的書籍和影音頻道,跟着學便可煮出色香味全營養豐富的素食。其實蔬食含有豐富纎維和營養,又易消化,對長者绝對有利。再分享就是我這幾天在石崗凌雲寺,午齋時有一個白米粥,是用但製的豆漿來煮粥,美味滑溜得很。豆渣用來煎豆餅,绝不浪費,家裏如有自造豆漿飲用的,可試試。

# 15377 joemui

留名學野

回應此帖