沙田耆康會群芳護老院，在威爾斯親王醫院左近，獨立院舍，楼高6層，空間和光線充足，空氣也好，政府買位，護理都好好，我在此做了幾年義工，不過要排隊輪候，可先查詢。
建議可先向醫院醫務社工查詢，視乎出院安排的急切性，是否需要安排暫託院舍作舒緩給予更多時間做好安排。在選擇院舍可考慮地點、預算價錢和現時護理程度，其後預約參觀觀察院舍實際環境、人手和其他配套（活動和復康）
十多年前，我家曾經四處找院舍；問社工，上網揾料，上討論區……。當然，消委會的院舍報告必定細讀。
最後，一間由知名的NGO管理，並且是新落成的院舍成為必然選擇。而我家長老亦無反對聲。
入住後，長老行為有異，常投訴有物件被偷；個人被針對………。最後，唯有撤離。
過了一段時間，長老話：屋企附近嗰間私營院舍有位呀。聽後，當然要安意指行事。最後，順利入住。
一日院舍有電話到，是否容許長老自行出入院舍。不容置異，長老人身自由當然大過天。
其後才了解，長老時不時為自己安排節目 — 去街市，返屋企，開爐煮餸，帶回院舍享用。
可試試聯絡鑽石山志蓮淨苑私院，乾淨企理環境好。
我媽媽兩年前中風，曾住過志蓮私院數星期，因為她很想回家，所以馬上做了簡單裝修後便接她回家。
當年醫院評估媽媽要去院舍，我便找好的院舍給她，不介意誇了其他區，後來才知道因為誇區而喪失了政府醫院日間復康治療，亦錯過了最佳的六個月黃金康復期。
如果情況許可，請考慮回家安老。
有時點樣為之好，可能人人定義都唔同～ 依我照顧過嫲嫲嘅經驗就覺得，最好都係揾啱嫲嫲需要嘅院舍，同埋係咪嫲嫲住落會舒服同適應好重要！因為嗰陣屋企工人姐姐返要鄉下，嫲嫲本身又有長期病患，行便唔方便，一段時間要插尿喉，加上之前仲中過COVID，好需要有人照顧同護理，所以想揾院舍做暫託。跟住聽社工分享，除咗可以睇好多社署網上嘅資料，親身去間院舍睇都好緊要！嗰陣好擔心嫲嫲會住唔慣，記得疫情嗰陣入過醫院，嫲嫲情緒唔太穩定，日日揾姑娘打電話嗌住返嚟～所以我哋最後揀咗間近屋企嘅，方便可以探佢～我建議你都可以帶埋屋企長者親自去感受下☺️希望你都揾到適合嘅院舍啦
同埋我見網站都有文章講過「揀院舍有咩要注意」，係個唔錯嘅checklist！同埋其實香港都有安老院舍評審計劃（老年學會），上面有評分等級（環境、照顧、管理等資料）你都可以參考吓，十分有用！
揀院舍有咩要注意：
https://656carer.com/tips/?taxonomy=stage-stroke&name=1045
香港安老院 評審計劃院舍名單
我見社署有院舍查詢，原來有分四大類：
1. 津助安老院
2. 合約院舍
3. 自負盈虧安老院（非牟利）
4. 私營安老院
有入住資格、收費、宿位、服務質素可以參考👇🏼
https://www.elderlyinfo.swd.gov.hk/tc/ltc_search/rcs