我媽呢排對菲傭姐姐疑心好重，隔一陣就會懷疑被佢偷嘢， 然後會質問姐姐，姐姐又好唔開心俾人屈同唔信任…
啊媽又會唔記得自己泊咗架車係邊… 要諗一陣或者隔一陣先會醒起係邊到？
我同老婆都好擔心佢係咪有認知障礙症呢？ 試過食飯時叫佢不如去check下，點知佢唔肯·仲嬲咗我地….
可以點算啊？
心急人上🙏🏻🙏🏻🙏🏻
就咁聽你媽媽應該仲係好叻，你就咁叫佢去睇醫生Check下，佢可能會覺得你地當佢有精神病，佢未必肯接受到自己有病呢個狀況。 可能用下其他人把口，由其佢比較信任的人同佢講下，等佢意識下個情況。又或者同佢去下Ｄ長者中心玩下，認識下中心的社工呀，睇下果邊幫唔幫到手。
另外都要疏理下工人姐姐的情緒，等佢認識下長者衰退無記性或者初期認知障礙症的狀況。