我家有個大bb|大bb出院回家了!


大bb出院後排照骨質疏鬆排到2024年…😅  反而醫院安排職業治療師(編按:英文是Occupational Therapist,簡稱是 OT)上門做家居安全評估就好快!!👍👍👍 一星期左右已安排到,位OT亦好細心咁了解各種狀況&事項,俾咗唔同建議,即場更為我哋度尺同提供supplier(編按:供應商)資料, 亦話之後會再嚟跟進 , 抵讚!   👍✨

今次嘅經驗係⋯

呢項政府服務一般都只需$80, 大bb有長者豁免完全免費‼️ 私營嘅一般收$800至1000一小時諮詢服務, 所以懂得適當地善用政府服務好重要~ 本來喺醫院見另一位職業治療師時話我哋未必需要呢項服務, 但經我游說話大bb喺過去半年已經喺屋企跌過兩次嘅情況下, 最終成功爭取~  😁✨

隔代照顧者 文文
家有99歲大bb,近年確診認知障礙症。努力學習照護中,並為將來做好準備。在Facebook 專頁「我家有個大bb」與同路人分享照顧路上的得著與經驗。

這篇文章對你有幾大幫助呢?