我家有個大bb|家居小改造(三)


話說大bb大半年前冲涼時喺浴室跣親,Beng姐姐為保護大bb,立即撲上前扶佢導致兩個人齊齊跌倒,阿Beng更因而割傷咗手⋯⋯好彩大bb 冇大礙,但就知道浴室雖然已裝咗幾個扶手,但依然危險四伏⋯⋯所以更想職業治療師嚟幫手睇睇邊啲係暗藏危機&如何改善⋯⋯今次我哋就加咗可收放防滑扶手同防滑地墊 🤗

曾聽其他照顧者分享, 原來深色防滑地氈對認知障礙老友記嚟講係一個危機, 因可能會當成係一個窿 (辦別距離有困難),行過嘅時候會避開繼而導致危險…

之前其中一個扶手既位置正好用來晾乾毛巾, 直到聽另一職業治療師講解話原來當需要緊握扶手時已有一條毛巾喺度會導致滑到危險,從此我哋就唔再🙅🏻‍♀️晾毛巾係個扶手度…

正正就係呢啲我哋一般唔知/想像唔到嘅狀況,所以更加需要聽取專家意見。慶幸我哋今次識得堅持醫院職業治療師曾經話我哋唔需要嘅上門服務, 先至有得做個詳細檢討。

所以預早了解同掌握護老知識好重要,到需要用嘅時候就知邊啲係真正合適自己以及坊間有嘅服務 😊✨

文文
家有97歲大bb,近年確診認知障礙症。努力學習照護中,並為將來做好準備。在Facebook 專頁「我家有個大bb」與同路人分享照顧路上的得著與經驗。

這篇文章對你有幾大幫助呢?