❗本文內容可能會令讀者不安❗

話說近日大bb半夜會 「搣片」， 問佢點解或有乜唔舒服， 佢話濕咗… 同姐姐攤開哂啲褲仔&片片等研究咗一輪都係百思不得其解🤔， search 過網上亦冇乜呢方面資訊&分享… 當下就下決定即日去做一個諗咗好耐但大眾可能會覺難以接受嘅怪舉動… 

片片challenge🔥

即全日要親自測試家中各種失禁護理產品 😜 而呢個舉動係受台灣院舍「以身試老」體驗啓發💡和感恩有另一照顧者老友鼓勵&伴航 💪🥰

測試 1️⃣ 褲仔 + 片芯 🌻

💚 開始 褲仔 + 片芯
💚 有便意但屙唔出 😑
💚 突然肚痛 😖 本想疴喺片度， 但都係過唔到心理關口， 同埋想循序做測試， 所以衝咗去廁所🚽解決

💚 wewe #1
終於wewe咗第一次， 有擔心會唔會漏出嚟， 即刻加返張即棄床墊放喺張櫈度 … 女士可能會好啲， 因為每個月都有類近經驗… 但係十分鐘後依然有少少濕濕地嘅感覺 😐

💚 wewe #2
檢查後發現已經7成滿 😯

💚 wewe #3
片芯部份已滿， 開始滲漏到褲仔

移除片芯， 開始只用褲仔測試

測試 2️⃣ 褲仔 🌻

褲仔好通爽輕便， 著咗冇乜感覺 👍 相反加埋片芯比較大舊， 尤其是濕咗之後更加感覺有舊嘢un住… 😕

💚 wewe #4
已半滿， 吸水珠珠力強， 幾分鐘後已經感覺乾爽

💚 wewe #5
已滿， 兩邊開始滲漏

測試 3️⃣ 日用片🌻

💚 轉用日用片， 晚飯同睇電視期間可能家人在旁關係， 心理上唔自在成晚都冇wewe到… 😅

💚 wewe #6

💚 wewe #7
唔知係咪條片唔啱size， 著後髀內好唔舒服🤢， 濕咗之後感覺好重， 睇見啲吸濕珠珠聚埋好多細細嚿， 擔心再wewe就會滲漏… 😥

💚 完成13小時片片challenge， 日後再揾機會試夜用片~

今次嘅經驗係⋯

🌻 隔天早上同家人&姐姐分享用後感， 初步估計了解到大bb點解搣片， 繼而作出調節， 暫時見到有改善🙌 今次做出大眾覺得奇怪嘅舉動， 為的是想令一家人都感覺舒服啲…

日間中心姑娘曾講過其實老友記都要做toilet training （編按：如廁訓練）， 每1-2小時鼓勵佢哋去廁所一次， 等佢哋習慣去廁所， 但夜晚就要多啲留意佢哋嘅生理cycle再作出調節&適合安排。

成個體驗過程其實還ok， 想像日後大家都有機會要用， 趁頭腦還精靈嘅時候去感受下， 就可以話到俾自己同身邊人知自己嘅意願係點… 😉 歡迎各同路人一齊交流~