我家有個大bb|大bb有吞嚥問題?


大bb早前食飯時曾經幾次濁親,繼而面都青埋同冇曬胃口 🤢 開始擔心佢吞嚥有問題,喺群組問大家意見時,有照顧者建議帶大bb去見言語治療師👩🏻‍⚕️了解吓狀況。

早前有醫護建議⋯⋯將事發經過和紀錄低,能幫助覆診時將詳情話返俾醫生知〜

原來揾言語治療師都得?

之前一路都以為言語治療師係只睇言語問題,都唔知原來吞嚥係可以搵佢哋幫手😜 好似職業治療師咁成日畀個名呃咗 😅

經過言語治療師檢查同了解後,話大bb吞嚥機能尚好✅,只可能係食嘢時會心急同食較大嚿同混合食物時會容易落錯格,所以呢方面我哋要多多注意⚠️ 以免意外發生⋯⋯

將食物放喺專屬碟同剪細啲,希望咁樣可以令大bb唔使咁心急⋯⋯

隔代照顧者 文文
家有98歲大bb,近年確診認知障礙症。努力學習照護中,並為將來做好準備。在Facebook 專頁「我家有個大bb」與同路人分享照顧路上的得著與經驗。

這篇文章對你有幾大幫助呢?