話說大bb近期又半夜搣片啊〜 🙈連續幾朝見到工人姐姐個人謝曬，喺未搵到大bb點解搣片嘅原因之前，都要諗啲辦法去安慰下姐姐⋯⋯😞問復康店有乜嘢方法同建議，職員居然介紹呢種 #約束手套，當然唔ok啦 ！！！！🙅🏻‍♀️🙅🏻‍♀️🙅🏻‍♀️🙅🏻‍♀️ 好地地邊個想畀人綁？ 😫

雖然都係治標唔治本，不過都訂咗呢款姑娘介紹嘅 #防搣片褲，呢個係約束裝束當中還可接受嘅⋯⋯😞 但當時貨未到手，大bb呢幾日又突然停咗搣片，都唔知好嬲定好笑 😅 希望大bb繼續乖乖地，唔使真係出動呢條褲啦⋯⋯

今日知道早前訂嘅 #防搣片褲 終於到手，急不及待自己著嚟感受下先，的確又真係幾唔舒服、熱和重 （質料好厚）😅 感恩嘅係大bb近日又無啦啦停咗搣片嘅行為，解決方法都係片片 + 🩲 喺面 🥳 同姐姐講呢條防搣片褲真係非必要都唔好畀大bb著⋯⋯😜 我哋亦需要照顧姐姐嘅感受同工作壓力，所以一定要做定啲嘢嚟支持佢一齊解決問題 💪💪