我家有個大bb|復康用品 – 浴室篇


今次同大家介紹嘅 #家居小改造 係大bb嘅👵🏻浴室🛀⋯⋯

手術後治療師話大bb嘅腳骨力、行動力大大減去,同埋企唔到咁耐,所以強力建議我哋加添 #有轆沐浴便椅。而且有需要時可以直接由牀過沐浴椅跟住推到廁所,由於大bb而家嘅行動力超出我哋想像咁好,所以只係放喺浴室度畀佢坐喺馬桶上面使用,好處係坐位較高,起身時亦較容易。 而家好多復康用品嘅設計都較為美觀,用嘅時候就冇咁醫院 feel同冷冰冰 🥰

而家大bb出入都係用 #有轆扶行架 ,所以就要喺 #門檻 度加添 #斜台, 等佢較容易出入同避免kick到 😊
仲有喺水喉位和門邊加添 #防撞料,以免唔小心撞到而受傷。老人家嘅皮真係好薄,一唔小心就會皮下出血 🤢
仲揾到樣嘢叫 #抹patpat神器 ,照顧老人家做清潔時真係好有用 😁
最後就喺門口加多張 #浴簾,因為而家浴室空間較少咗,咁唔閂門就可以多啲轉身空間,亦可以加強私隱度。

文文
家有98歲大bb,近年確診認知障礙症。努力學習照護中,並為將來做好準備。在Facebook 專頁「我家有個大bb」與同路人分享照顧路上的得著與經驗。

這篇文章對你有幾大幫助呢?