我家有個大bb|替假照顧者的一天


話說大bb👵🏻今日要覆診 & 打流感針💉,所以請假無返日間中心,誰不知撞著 messy day 💩,再加上姐姐放假⋯⋯🙈

睡夢中😴被呼喚鐘叫醒📢,牙都未刷就跑去做陪廁🚽⋯⋯早餐後去覆診,政府 clinic 今日超多人,穿梭兩邊診療室&人群中跑來跑去因為驚 miss 咗叫籌⋯⋯因擔心 clinic 多菌🦠,所以趕左老豆同媽子走,避免佢地受感染⋯⋯

本來想去飲茶,點知去到先發現間茶樓執左⋯⋯換另一間但係附近又冇乜邊間坐得舒服 & 最重要係有一個乾淨企理嘅 disable toilet 🚽今日黎講非常之重要❗最後買外賣點心返屋企食⋯⋯ lunch 後開始處理啲公務事,期間每一至兩個鐘就陪廁🚽一次,整日換片都換左七次⋯⋯臨瞓前換片,因整污糟左我又雞手鴨腳整得慢,end up 仲俾佢鬧 (可能打左針攰 & 扭眼訓) 果下真係覺得好委屈⋯⋯😥 到大bb瞓咗先至有返啲me time & 可以抖下⋯⋯

今日完全體驗到全職照顧者 & 家傭姐姐嘅壓力、辛酸同委屈⋯⋯ 😢 好彩有老豆同媽子都一齊分擔其他照顧工作包括: 買餸煮飯、車出車入同陪玩。其實我地今日已經3個人照顧一個👵🏻,同埋大bb嘅狀況相對唔算難照顧 (messy day & 揻片除外)⋯⋯ 如果得返一個人去照顧都唔知點算⋯⋯🙈

所以如果大家係 #全職照顧者,有需要時記住搵支援❗又或者如身邊有全職照顧者,記住問下有乜嘢可以幫手 & 關心下,因為真係好容易身心疲累 & 壓力爆煲⋯⋯🥴

感恩聽日大bb👵🏻 可以返日間中心同有好姐姐幫手 🙏💛

#替假照顧者 #洗完頭都冇時間吹乾又要跑去做陪厠 #帶口罩係因為真係好臭

文文
家有98歲大bb,近年確診認知障礙症。努力學習照護中,並為將來做好準備。在Facebook 專頁「我家有個大bb」與同路人分享照顧路上的得著與經驗。

這篇文章對你有幾大幫助呢?