「如果有一日，我唔係度，你記住睇住我個女啊😭！」
尹婆婆千叮萬囑我。
話說，最近與尹婆婆腳底共存多年的「黑痣」，突然變大擴散，家人帶了她去看多位專科醫生，結果還是傳來不妙的消息🥲。
當我正為她的狀況憂心時🤦🏻♀️，坐在隔壁的尹婆婆卻十分淡定，並說：「我一早講咗唔使做咁多檢查，仲割左我一忽肉，搞到我依家鬼死咁痛又行唔到🤬（實情是抽組織化驗），個女搞咁多嘢！多鬼餘！本身又唔痛又唔成！你哋啲後生唔識嘢！我呢粒「墨」嚟咋嘛！好耐啦！又唔痛又唔成！我都咁大年紀，仲搞咁多嘢嚟做咩🤷🏻♀️！」
尹婆婆一直在喃喃自語⋯⋯
突然，她望住我，很認真的跟我說：「如果有一日，我唔係度，你同我個女
要做好朋友，大家來往多啲，關心下大家，你記住睇住我個女啊
！」
⋯⋯
那一刻，我彷彿覺得，其實尹婆婆應該估到了，只是不想我們操心而已。她應該知道這次情況不妙，或許時間無多了⋯⋯
「梗係冇問題！放心，我應承你！我一定會好好照顧妳個女！」其實講呢句說話前，我沉思了10秒🥺⋯⋯
「係就好啦！我就放心晒啦☺️！難得我個女識到個朋友，好簡單嘅啫，得閒咪打個電話、出去行吓街、飲下茶，互相關心下、照顧下啦！」尹婆婆歡喜地道☺️。
「我成日好擔心佢將來，我又唔知講比邊個聽，多謝你呀☺️！」尹婆婆感激道。
面對尹婆婆突如其來的一個要求，我確實有點錯愕，反應不來🙈。沒想到，婆婆竟然會拜託我去照顧她身邊人。沒想到，我在尹婆婆心目中，並不只是一個恒常到她家，跟她一起做訓練的姑娘👩🏻⚕️。原來，她當我就像她的朋友般，她把她的擔憂、她放不下的事情都告訴了我，更希望我去延續她遺願，繼續守護她愛的人。
這不單是一個請求，更似一個誓約🤙🏻。
一想到要負的責任真的不輕，不是隨便說說罷了，但看到尹婆婆的眼神，我還是答應了。
這段對話，令我反思很多，感受很深⋯⋯
即使尹婆婆的記憶錯亂了，我並不是女兒的好友，但她作為「媽媽」這個角色，從來未變🤱🏻。在我看來，養兒100歲，該是「長憂101」才對！因為由懷孕開始，腦友記就為了子女勞心勞力，直到百年歸老那天🥺。所以話，親情、父母的愛，是多麼的偉大🥰！
