港大感染及傳染病中心總監何栢良表示，香港已踏入流感季節，他呼籲外出時可以佩戴口罩減低感染機會。政府為市民提供多項計劃接種流感疫苗，當中包括於2023 年 9 月 28 日展開的2023/24年度季節性...

查看原文

長者家居上門送飯服務對行動不便或體弱長者來說非常重要，他們一般較難在家烹飪或外出用餐，這類服務能夠分擔照顧者的...
查看原文

隨著越來越多長者選擇在內地生活，兩地政府已推出一系列協調政策，為居住在深圳的香港長者提供多項優惠福利。只需申請...
查看原文

我媽住喺將軍澳，有輕微老人癡呆，之前有幻覺，食咗藥之後好咗啲，但而家反應慢咗好多，講嘢唔太順，成日好焦慮，對每件事都好心急，要我即刻幫佢解決。
我哋估佢可能太空閒，成日喺屋企諗嘢諗到亂晒龍。
想問下大家，有咩計?

老公臥床五個月，最初仲會話「我試下坐低先」，而家連講嘢都冇力，成日瞓住、唔食、唔笑。
我日日幫佢換片、搽藥油、扶佢坐，佢一坐就頭暈、頸痛，成個人好似散晒。
原本已經諗住下星期安排入院，唔係唔捨得，只係唔想佢再咁痛苦。
今日見佢又話頸痛，我試下幫佢搽多啲、慢慢搓，冇諗過佢竟然坐到成個鐘，仲自己慢慢行咗幾步去廳口。
我唔敢開心太早，但真係有少少希望。
有冇街坊可以介紹大埔區有冇啲好啲嘅脊醫、中醫、針灸？最好可以上門睇，唔使佢出街咁辛苦。
唔係想奇蹟，只係想佢唔好再咁無助。

最近有社工上門為媽媽做評估，話佢屬於中度腦退化，但暫時未需要即時入院舍。依家已經排緊日間中心，不過社工提到離島社區只有二百幾個名額，輪候時間可能要一年以上。因為請唔起外傭，我四月開始辭咗工，專心做全職照顧者，照顧者津貼都已經申請咗，等緊批核。
其實我都預咗會好辛苦，但冇其他選擇。想問下有經驗嘅朋友，媽媽需唔需要再去醫院做詳細檢查？係咪應該排政府老人科門診？有冇咩特別要注意或者可以申請嘅支援？多謝大家指教！🙏

我爸爸而家住緊醫院，社工啱啱幫我哋開始排公院老人院。不過排位都要時間，佢出院之後去邊住，我真係好頭痛。
我問過幾間私院，最平都要一萬二至一萬六，我一個人負擔真係好吃力。屋企又唔夠位，又冇人可以日夜照顧佢，請照顧員又貴，外傭都唔係即刻有得請。
我唔係唔想照顧，只係真係唔知點安排。佢出院之後如果要等幾個月先有位，我可以點做？有冇人試過類似情況，可以分享下你哋點處理空窗期？

想問下大家，有冇地方可以訂啲營養晚餐比老人家食？
我媽平時三餐都係出街食，但最近見佢瘦咗好多，成日話冇胃口。我唔知係食得唔夠定食得唔啱，所以想試下訂啲營養啲、易入口啲嘅晚餐比佢。
有冇人試過？邊度訂比較好？唔該晒！

爸爸中風後本來都係慢慢康復，但最近突然退得好快，連企都冇力，講嘢都唔清楚，成日失禁。姑娘話未去到要入安寧病房，但又話唔適合留喺醫院太耐，建議我哋搵院舍。但佢未夠65歲，好多地方都唔收。我同細佬都好徬徨，唔知排復康醫院係咪好選擇？加上屋企人情緒都好緊張，日日都好似喺壓力煲入面。有冇人試過咁？你哋係點頂住？

細佬58歲中風，唔算好老，但康復中心話佢「唔係典型個案」，好多支援都唔啱用。我每日陪佢做運動、練講嘢，但都唔知做得啱唔啱。有時佢會話「我仲未老，點解要咁樣過？」我聽到都心痛。坊間有冇啲針對60歲以下中風人士嘅支援？