註冊營養師問答區！留言問「長者飲食營養問題」及「保健品謬誤」
大家好，我係註冊營養師Vincy，照顧老人家，我哋一齊傾啦！
2月9號開始，我會喺呢個Post回應大家關於長者飲食營養，以及坊間保健品嘅問題！歡迎各位656會員（記得要先完成登記註冊），喺呢個Post留低你嘅疑問或者 長者飲食情況，我會努力回答大家疑難，656小編都會幫大家搵答案同支援㗎！即刻登記做會員再留言啦！
xxxxxxxxxxxxx
Vincy Yan
註冊營養師 (澳洲）
澳洲昆士蘭科技大學營養及飲食學士
澳洲營養師協會會員
註冊營養師Vincy Yan，過往主力透過營養諮詢為不同人士從飲食及生活習慣着手，控制體重及常見慢性疾病等問題。亦曾於多間慈善團體及非牟利機構，為小朋友、成人及老人等提供健康講座丶煮食示範及營養課程，並深入淺出地講解如何輕鬆攝取均衡營養以及向大眾推廣健康飲食概念。
歡迎Vincy加入656討論區！👋👋👋👋👋👋
照顧者預備老人家飲食，想了解營養問題？或者屋企長者食緊保健品，唔知有無嘢要留意？記得喺度留言，等註冊營養師Vincy清晰回應你疑問👍👍
Hello Vincy, 我媽媽都幾肥，近排唔好彩低落樓梯骨折，而家留院中。
我而家開始安排緊佢出院後嘅復康同照顧，我有請印尼姐姐的，請問針對肥胖女長者同骨折問題，三餐食咩比較好？我媽媽輕微三高，除咗而家隻腳要recover，其他都無乜大礙，謝謝你比專業營養意見～
keung_home 骨折長者出院，出入復康要相當小心，如何需要輪椅，可以睇睇呢個計劃幫唔幫到你～
https://656carer.com/article/elderly-wheelchair-subsidy/
你好，
雖然長者有過重問題，但現階段不建議長者過度減重，以免影響骨骼癒合及增加整體康復的時間。現時建議長者要有足夠熱量、蛋白質及鈣質的攝取並同時避免高脂、高鈉、高糖食物以免影響三高問題。以下是針對這位長者情況的菜式建議：
早餐: 全麥麵包＋水浸吞拿魚肉＋低脂牛奶
午餐：糙米飯／紅米飯＋蒸魚（低鈉豉油＋少許油）＋炒菜心
晚餐：糙米飯／紅米飯＋肉碎蒸蛋＋豆乾炒韭菜
餐與餐之間的小食：１份生果／１杯高鈣飲品例如低脂奶、無添加糖乳酪或植物奶。
日常建議長者減少進食甜食及高脂食物，例如蛋卷、蛋撻、曲奇餅及果汁等。
註冊營養師 Vincy Yan 老人家飲奶好易痾，可以用咩食物代替？
denniz.tsang 如果長者飲牛奶容易肚痾, 建議可以用加鈣植物奶例如加鈣豆漿、加鈣燕麥奶或加鈣杏仁奶等代替牛奶。祝新年快樂！
男性老人家食道有問題，未來就算好返都只可以食流質食物同糊仔，我哋擔心食流質野會令佢越食越瘦營養不良，咁嘅狀況要留意補充什麼東西？
你好，
若長者日後需要進食流質食物或糊仔，建議家人為長者製作糊仔時增加整體的營養及熱量含量，以助預防體重下降問題。因此製作流質食物或糊仔時要加入：足夠五穀＋蔬菜＋優質蛋白質＋適量健康油脂
1. 五穀: 含有豐富碳水化合物，為長者提供足夠能量及體力，例如白飯糊、燕麥糊或糙米糊。
2. 蛋白質：幫助預防肌肉流失及增強免疫力，例如魚肉糊、雞蛋糊、肉糊或豆腐糊。
3. 蔬菜：提供維他命及膳食纖維幫助增強色疫力及預防便秘問題，例如菠菜泥、番薯泥等
4. 健康油脂：有助脂溶性維他命吸收及增加整體熱量攝取，例如芝麻油、芥花米油、花生油等。
簡單食譜例子：魚肉南瓜糙米糊
做法：糙米飯＋魚肉＋南瓜粒＋無糖豆漿＋少許植物油＋少許鹽或香草粉調味(將所有食材煮熟並全部打勻成合適糊狀質地即可。)
(請根據言語治療師或醫生的建議，為長者製作合適食物質地。如患有腎臟疾病、糖尿病或癌症，建議先諮詢專業人意見調整飲食。)
註冊營養師 Vincy Yan Thx Vincy～
註冊營養師 Vincy Yan thankyou! 會比屋企人參考的👍👍👍👍👍👍👍
長者咀嚼能力差，煮烚蛋或者用熟蛋做其他易吞嘅食物有咩方法？係咪多啲蛋白質對身體好？
你好，
長者咀嚼能力差, 建議先諮詢言語治療師或醫生, 確認長者的吞嚥障礙程度再制定飲食調整。如果平時煮烚蛋及熟蛋給長者進食，建議可以加入蔬菜、蛋白質及奶類令菜式多點變化及增加營養攝取，例如製作蔬菜高蛋白蒸蛋，做法：
1. 將雞蛋打散，加入已煮熟並切碎或打成泥的蔬菜 (如菠菜泥、南瓜泥、番薯泥、) 、蛋白質 (豆腐泥或魚肉等)及奶類(無糖豆漿或牛奶)。
2. 拌勻過篩後加入少許麻油及鹽。
3. 蒸15分鐘, 切成小塊或製作成根據言語治療師為長者而制定的合適食物質地。
當長者年紀增加及活動量減少，肌肉流失的速度會越來越快，若蛋白質攝取不足更容易令長者肌肉減少、容易跌倒及免疫力下降。但蛋白質並非攝取越多越好，因為過量蛋白質攝取會增加腎臟負擔。而且單靠進食蛋白質並不能有效增加肌肉，也需要配合適量負重運動。因此，若想增加肌肉，建議一般健康長者每日攝取每公斤體重1.0~1.2克蛋白質(即60公斤健康長者每日進食60~72克蛋白質)，而患有慢性疾病長者則每日攝取每公斤體重1.2~1.5克蛋白質（*患有腎病人士需要另外評估），並且將蛋白質平均分配在三餐，日常也要多做負重運動例如太極拳、舉啞鈴等以助增加肌肉量。
註冊營養師 Vincy Yan 我相信長者食得滋味之餘，仲會感受到屋企人嘅細心！
家中老人中風後食慾差又瘦，有冇推介適合嘅營養奶粉/ 留意位？想了解係咪會有啲比較易吸收
你好，
若長者食慾差和體重下降，建議家人先為長者製作食物時，增加整體的營養含量及菜式變化。針對食慾差和體重下降問題建議：
1. 每餐要有足夠五穀＋蔬菜＋優質蛋白質＋健康油脂。
2. 如果長者有吞嚥困難，建議先諮詢言語治療師或醫生, 確認長者的吞嚥障礙程度再制定合適的食物質地，方便長者進食。
3. 加入不同顏色的蔬菜製作菜式以增加吸引度及食慾。
4. 加入芝麻油及香料例如香草粉、蒜蓉、檸檬汁調味，以助刺激及增加食慾。
5. 餐前避免大量飲水，以免減少胃口。
6. 如身體情況許可，可增加日常運動，以助改善食慾問題。
另外，就著營養奶粉的選擇建議，由於需要根據長者的詳細身體狀況、疾病問題、體重及活動水平作出評估。因此，我不能推薦任何營養奶粉，建議照顧者可尋求醫生或註冊營養師進行一對一諮詢。
屋企有糖尿病長者，想了解平日會點樣安排飲食同血糖管理？
你好，
如果長者患有糖尿病，要好好控制血糖會有以下建議：
1.每日定時定量進食，少食多餐。
2.每餐要有足夠高纖五穀＋不同顏色蔬菜＋優質蛋白質＋少量健康油脂。
— 高纖五穀包括：糙米飯、紅米飯、全麥麵包、蕎麥麵等代替白米/白麵包。因為高纖五穀的膳食纖維含量高及升糖指數低，令餐後血糖上升幅度較慢，有助穩定血糖。
— 不同顏色蔬菜：建議每日至少1.5至2碗蔬菜，因為蔬菜熱量少，而且富含膳食纖維及維他命，可減慢血糖上升。
— 優質蛋白質包括：瘦肉、魚肉、蛋、海鮮、豆腐等，並減少進食高脂肪肉類例如肥豬肉、牛腩、加工肉類等。
3.多用健康烹調方式例如蒸、煮、燉、烚、少油快炒及多用薑、葱、陳皮、蒜頭天然調味。
4.減少進食添加糖食物例如糖果、果汁、糖水、蛋糕等。
祝新年快樂!
老人家中風後想補鈣或保健品幫手保骨，可以點揀？
manjai_98 曬太陽維他命D💯 運動
jfmusic 但有說法話食得多會有反效果
你好,
如果想長者增加鈣質攝取以助預防骨質疏鬆問題，建議可先從飲食著手。長者每日需要1000-1200毫克鈣質，而豐富鈣質的食物包括高鈣低脂奶、硬豆腐、連骨魚仔（例如白飯魚、沙甸魚）、芝麻、深綠色蔬菜（菜心、芥蘭、西蘭花等）、豆乾等。另外，每日飲用２杯高鈣飲品加進食１至２碗深綠色蔬菜已接近每日鈣質所需。再加上，維他命Ｄ有助鈣質吸收，因此建議長者可以透過每日曬5-15分鐘太陽（手臂及腿部露出，避免中午烈日），提升體內維他命D水平。最後，若飲食上仍不足才考慮保健品，而且亦需要了解長者目前服用的藥物及身體狀況，所以建議購買前先諮詢醫生或註冊營養師。
祝新年快樂！
註冊營養師 Vincy Yan 多謝你建議，但請問有說法話吸收太多鈣質會有反效果，其實有冇根據呢？
爸爸食慾差、血壓愈來愈低、我哋每日要分多餐餵食、壓力好大、有冇咩可以做？
ting.ting 會唔會考慮搵人上門照顧？如果符合資格喺免費㗎！
有需要可以撳呢度 WhatsApp我地
同我地真人專員溝通，幫你Plan有咩服務啱你！
或者如果揾上門言語治療/營養師幫手？主要唔想爸爸個情況繼續drop
ting.ting 有需要可以撳呢度 WhatsApp我地
睇吓有咩上門照護訓練可以幫到你爸爸，同我地真人專員傾傾！
你好，
明白現時長者的問題會令照顧壓力增加，建議照顧者可以先尋求醫生或註冊營養師進行一對一諮詢，檢查食慾下降及低血壓的原因。在見營養師或醫生之前， 飲食上可嘗試以下的建議，幫助預防體重下降等問題：
1. 繼續少食多餐，但提升每餐的熱量及營養密度，確保包含足夠五穀＋蔬菜＋優質蛋白質＋健康油脂。食譜例子（適合吞嚥較差或需進食軟身質地的長者）:
- 魚肉西蘭花飯糊；
i. 做法: 1/2碗白飯＋1/2碗糙米飯＋魚肉＋西蘭花＋無糖豆漿＋少許芝麻油＋少許鹽或香草粉調味,將所有食材煮熟並全部打勻成合適質地（視吞嚥能力調整粗細）即可。
- 雞蓉蔬菜豆腐
i. 做法: 雞肉碎＋軟豆腐＋紅蘿蔔蓉＋南瓜粒+蝦仁粒＋少許芝麻油＋少許鹽或香草粉調味, 將所有食材攪拌成蓉並蒸熟即可。
2. 製作高熱量高蛋白的飲品／營養糊作餐與餐小食，幫助補充能量及蛋白質, 營養飲品的食譜例子：
- 香蕉蛋白奶昔; 做法 : 1條香蕉+2湯匙無添加糖乳酪+1杯牛奶+少量堅果, 將所有食材攪拌均勻成奶昔狀即可。
- 其他食物例子：花生醬多士、水果豆腐花、營養布甸等。
3. 餵食時讓長者坐直，保持心情放鬆，不要強迫餵食，以免造成心理壓力。
4.最後，如果長者有吞嚥困難，建議先諮詢言語治療師或醫生， 確認長者的吞嚥障礙程度再制定食物質地調整，方便長者進食。
希望以上建議能幫助到你，祝新年快樂！
媽媽食鐵丸後便秘嚴重，天然方法可點改善排便？盡量希望唔洗靠藥物
天然食物如麒麟果、乳果糖、奇亞籽、益生菌、芝麻糊係咪都有幫助？
你好，
要解決便秘問題，建議每日要有足夠膳食纖維攝取。膳食纖維分為水溶性及非水溶性膳食纖維，非水溶性膳食纖維有助增加糞便體積、促進腸道蠕動；水溶性膳食纖維則有助軟化糞便，令排便更容易，以上所說的食物包括麒麟果、奇亞籽、奇異果等，都同時富含水溶及非水溶性膳食纖維，因此都有助解決便秘問題。不過，增加纖維攝取要循序漸進，一下子吃太多反而會令腸道未能適應，可能加重脹氣或便秘。建議從每日額外加1–2份高纖食物開始，逐步增加。
另外，每日飲用6-8杯流質飲品（包括清水、奶類及清湯等）都有助軟化大便及促進腸道蠕動 (如患有腎臟疾病或心臟病需要限水的長者，建議先諮詢醫生)。益生菌則有助改善腸道菌群平衡及促進蠕動，建議可選擇富含益生菌的天然食物，例如無添加糖乳酪或納豆等。而芝麻糊除了富含纖維外，亦含有健康油脂，能夠潤滑腸道，幫助通便。至於乳果糖屬於輕瀉劑，主要幫助軟化大便及促進腸道蠕動。因此，建議先將以上食物逐步加入長者的日常飲食中；若便秘問題持續未改善，再考慮短期使用乳果糖，並最好先諮詢醫生。
祝新年快樂!
入院舍後胃口差又瘦咗好多，冇糖尿但擔心營養不足，有冇較通用嘅營養奶推薦？
你好，
若長者食慾差及擔心長者體重下降，如果家人可以為長者準備食物帶入院舍，建議多增加菜式的整體營養含量及變化。針對食慾差和體重下降問題建議：
1. 每餐要有足夠五穀＋蔬菜＋優質蛋白質＋健康油脂。
2. 如果長者有吞嚥困難，建議先諮詢言語治療師或醫生, 確認長者的吞嚥障礙程度再制定食物質地調整，方便長者進食。
3. 加入不同顏色的蔬菜製作菜式以增加吸引度及食慾。
4. 加入芝麻油及香料例如香草粉、蒜蓉、檸檬汁調味，以助刺激及增加食慾。
5. 餐前避免大量飲水，以免減少胃口。
6. 如身體情況許可，建議家人陪同長者增加日常運動，以助增加食慾。
就著營養奶粉的選擇建議，由於需要根據長者的詳細身體狀況、疾病問題、體重及活動水平作出評估。因此，我不能推薦任何營養奶，建議照顧者可尋求院舍醫生或註冊營養師進行一對一諮詢。
祝新年快樂！
如果cancer食自費高蛋白配方太貴，想問健身用嘅蛋白粉可摸牙代替增重營養品？
Yin Jai 建議找醫生尋求專業意見。
你好，
醫學用的蛋白配方與健身用的蛋白粉在營養及成分組成上完全不同，而且每個人的癌症類型、階段、身體狀況及治療方案各有差異，因此不建議貿貿然自行替換，建議照顧者可先尋求醫生或註冊營養師進行一對一諮詢，以確保安全及適合個人需要。
祝新年快樂！
爸爸因為口腔痛楚，只肯飲營養奶同雞精，仲淨係食大蕉，咁樣營養夠唔夠？
meimei_xoxo 會唔會食到腸胃唔好？
denniz.tsang 同問！我咁樣溝都覺得會肚痛呀
你好，
雖然以上食物對於口腔痛楚患者是容易進食及吞嚥，但長期進食會擔心有營養不足及體重下降風險。因此，建議照顧者可先尋求醫生或註冊營養師進行一對一諮詢，評估長者現時的體重、口腔狀況及飲食問題，訂立適合的個人飲食計劃。現時，建議家人可以嘗試以下方法以助長者增加進食量：
1. 少食多餐 – 1日5-6次小量進食，可避免因為一次進食太多而刺激口腔痛楚
2. 將食物增加變化及保持軟身 – 例如可以將營養奶加入水果/乳酪製作成奶昔, 或製作其他軟身食物例如南瓜/薯仔蓉、豆腐花、芝麻糊、蒸蛋等方便長者進食。
3.可嘗試多飲涼水/含著冰塊/用吸管飲用飲品，都有助減低口腔痛楚。
祝新年快樂!
長者時不時食完飯都有透明帶傑ga痰 飲食都幾清下 仲有咩方法可以少d痰或清痰/?
豪大大2.0 少甜最重要，有時痰多係關耳鼻分泌問題～
你好，
若果長者食完飯後不時有痰，有機會是吞嚥能力下降、胃酸倒流，或鼻涕倒流等問題。這種情況下，建議照顧者先為長者尋求言語治療師或耳鼻喉科醫生，確認長者的吞嚥障礙程度或是否其他問題，並制定安全進食方法及飲食調整。現時，建議長者平時少食多餐，進食時坐直及避免進食過急，並且餐後不要立即躺低，日常要保持口腔清潔及攝取足夠水分，幫助減少痰液。
祝新年快樂！
請問適合糖尿長者食嘅零食／點心推介？
你好，
選擇零食或點心，最重要是揀選低升糖指數及三低一高（低脂、低糖、低鹽及高纖）的，這樣可以避免血糖不穩定，並能增加飽肚感，幫助控制體重及食慾。因此，適合糖尿病患者的小食包括：少量無添加鹽的果仁、１份水果（例如奇異果、蘋果、橙、士多啤梨等，１份約１個細橙或１個細蘋果）、全麥餅乾、無添加糖加鈣豆漿、無添加糖乳酪、水煮蛋、水煮毛豆、無糖豆腐花等。
祝新年快樂！
想請教，七十幾歲，腎功能差又有痛風，有乜要戒口，但網上啲講法全部唔同，好亂，求飲食指引
你好，
由於腎功能下降是複雜的健康問題，飲食安排需要視乎長者詳細的血液報告、現有疾病、藥物使用及整體身體狀況而定。因此，建議照顧者應尋求醫生或註冊營養師進行一對一諮詢，讓他們根據長者現時的身體及飲食問題，訂立適合的個人飲食計劃。
祝新年快樂！
IWC 有需要可以撳呢度 WhatsApp我地
睇吓有咩support，可以幫輕你嘅照顧負擔！
屋企有位長者中風後食嘢成日嗆親，乾身食物特別難吞。我每日諗煮乜都冇晒靈感😂 想問下營養師可以分享下啲適合吞嚥困難人士嘅腍身餸？最好有網站可以跟住學，唔想轉做軟餐，因為佢仲係食到嘅🙏🙏
FAIYEAH0603 試下蒸水蛋、老少平安
FAIYEAH0603 豆腐、番薯、南瓜、魚粥長者會唔會中意
FAIYEAH0603 考慮下中醫針灸？
FAIYEAH0603 保健湯水
杜仲淮杞豬尾湯,
你好，
長者咀嚼及吞嚥能力差，經常濁親或哽親，都是非常危險的，因為可能會導致吸入性肺炎等問題。因此，建議先諮詢言語治療師或醫生，確認長者的吞嚥障礙程度並制定飲食調整。
若長者日後需要進食軟身或流質食物，建議家人為長者製作食物時應注重整體的營養及熱量含量，以助預防體重下降及營養不良問題。建議每餐包含以下四大類：
- 五穀: 含有豐富碳水化合物，為長者提供足夠能量及體力，例如軟飯、燕麥糊、軟麵。
- 蛋白質：幫助預防肌肉流失及增強免疫力，例如魚肉、雞蛋、雞肉或豆腐。
- 蔬菜：提供維他命及膳食纖維幫助增強免疫力及預防便秘問題，例如菠菜蓉、番薯蓉等。
- 健康油脂：有助脂溶性維他命吸收及增加整體熱量攝取，例如芝麻油、芥花籽油、花生油等。
簡單菜式例子：
1. 茄子燜肉碎
2. 瘦肉碎蝦仁蒸豆腐
3. 芝士菠菜煎蛋
4. 南瓜雞肉小米粥
5. 蠔味雞蓉豆腐
如想了解更多適合長者的菜式，可參考照護食網站上的烹調短片/食譜。祝新年快樂！
屋企長者4日都未能夠排便係咪正常
排便唔知點處理...? 謝謝🙏🏼
你好，
當3日或以上沒有排便或者大便量少及乾身都是屬於便秘問題。建議確保長者：
1. 每日攝取足夠6-8杯水分，幫助軟化糞便。(如患有腎臟疾病或心臟病需要限水的長者，建議先諮詢醫生)
2. 每日要攝取高纖維食物，例如蔬菜、水果、全穀類及豆類。不過， 增加纖維攝取要循序漸進，一下子吃太多反而會令腸道未能適應，可能加重脹氣或便秘。因此，建議從每日額外加1–2份高纖食物開始，逐步增加。
3.養成定時排便習慣，即使無便意也可嘗試。
4.日常多運動，可幫助腸道蠕動。
祝新年快樂！