吞嚥困難長者備餐心得

研究軟餐，其實可以分唔同質地，老人家牙齒退化吞嚥困難，加上多藥物影響，好易營養唔夠，嚴重會衰弱。

香港市面有推碎餐、糊餐，調校食物質地，減低咀嚼次數，確保每日攝取足夠纖維蛋白質同營養。有文章分享話質地可以分為「容易咬軟質食」、「牙齦碎軟質食」、「舌頭壓碎軟食」、「不需咬細泥食」、「均質化糊狀食」等等，好似國際吞嚥障礙飲食標準咁，可以先搵醫生或者營養師評估老人家適合邊種。


軟餐都要保留食物色香味，長者食得開心，唔使淨係食灰灰白白嘅糊餐。如果煮肉類，可以用肉槌打鬆、去筋，加波蘿汁醃，嫩口好多；蔬菜如果比較硬例如西蘭花，先切碎碎再煮淋啲；食飯就白飯加紅米或者全穀，要煮軟；我見有個食譜教煮健康糉，用大米換糯米，南瓜代蛋黃，素肉代替肥豬肉，好味又易吞。

用餐具做測試，用筷子夾起食物唔散、湯匙壓碎、叉篤穿，就知軟硬度啱唔啱。餐盤就堅持健康飲食金字塔，蔬果兩份以上、瘦肉魚肉5至6兩、低脂奶，小食可以食豆腐花、木瓜、燕麥包，高糖高脂就唔好喇！