我只係冇得揀

有時真係唔知自己點捱過嚟。阿爸阿媽都唔算好老，但病痛一樣唔少。一個糖尿要打胰島素，一個有認知障礙，成日夜晚唔瞓，亂咁行，開門出街都試過。我係獨生，冇兄弟姊妹，屋企人就得我一個。

日日返工，放工就即刻趕返屋企煮飯、餵藥、陪診、清潔，夜晚仲要睇住佢哋唔好出事。有時真係攰到想喊，但又唔敢喊，驚喊完都冇人聽。朋友話我好堅強，其實我唔係堅強，只係冇得揀。

我唔係超人，只係唔想佢哋受苦。但我都係人，我都會攰、會怕、會唔知點算。係咪得我一個係咁⋯⋯