中年女兒照顧糖尿病後行動不便嘅媽媽

我媽媽七十幾歲，之前因為糖尿病引起感染，入咗院做咗幾次手術。雖然救得返，但長期臥床令佢肌肉流失得好快，出院嗰陣已經行唔到，要靠輪椅。
我一向同佢住，兄弟姊妹都有家庭，唔係日日見。我早早請咗個外傭幫手，但媽媽有時突然想自己行去廁所，唔肯用尿片。試過一次，佢堅持用學行架，結果中途跣腳跌咗落地，我同外傭都扶唔起，最後要等我老公返嚟先三個人合力搞掂。
佢而家仲係醫院觀察血糖，我心入面其實有啲矛盾——佢喺醫院我反而瞓得好啲，但又唔忍心咁諗。佢再出院，我真係唔知外傭一個搞唔搞得掂，假期又冇人頂，請本地照顧員又貴，屋企又唔夠位請第二個外傭。
有冇人試過類似情況？你哋係點安排照顧？我而家真係好迷惘。