我已照顧爸爸糖尿病兩年幾，好多時覺得自己頂唔住，爸爸確診時血糖高到13、14，唔控制會有併發症例如腎衰或者失明，我聽完心都寒埋。
起初佢唔肯戒甜，成日偷食蛋撻，我返工忙到飛起，夜晚返嚟煮飯又要量血糖，成個人都好攰，不過慢慢摸到一啲方法，令佢情況好轉咗。
多用蒸煮，少油，米飯換糙米，菜多肉少；每日計碳水，買個App記錄，每日飯後拖佢去公園一齊行30分鐘，起初佢成日嗌腳痛，而家自己會定時問我行得未😆😆
覆診定時，我學識打針，佢而家血糖穩定喺6-8，不過最辛苦係成日怕佢出事😭😭
要keep住聞氣，有無人知醫院或者NGO有無平租氧氣機服務？
我爸有糖尿病，近排開始記唔到野同行路唔穩，血糖成日高😭😭😭
現實嘅照顧旅程，未必兩全其美😭！當你返緊工，突然收到📞話屋企老人家突然出事，揀工作定揀親人？嗰種精神壓力，真係照顧者先能夠深深體會到！不過唔使緊張，我哋賽馬會656照顧者好幫搜👌，可以快速搜尋全港短期支援計劃，當中包括陪診服務同護送支援等等，有專人協助將老人家安全送到醫院或者診所💯！
✅ 我哋點幫你？步驟好簡單！
1️⃣ 打開 656carer.com
2️⃣ 搜尋「短期支援計劃一覽表」
3️⃣ 選擇「居家照顧需要」入面嘅陪診／護送服務
除咗短期支援，656仲有好多服務夥伴，即時幫你解決照護難題！即click656 👉 https://656carer.com/archive/居家老友記突患病急需就醫護老者分身乏術求/
生活忙碌，工作、小朋友佔據晒時間，竟然忽略咗最愛我、最需要我關心嘅人——媽媽。佢成日話腳痛，我卻冇放在心上，甚至覺得佢唔夠積極，唔做運動。而家先知道，原來係病情惡化，痛楚唔係佢選擇，而係佢承受緊。
上星期日我哋仲傾緊計，今日佢已經冇反應。剩低嘅時間唔多，可能係聽日，可能係後日……我好想再陪佢行下、傾下，但已經冇機會。我乜都做唔到。
心好重，好攰，但仍然要喺屋企人面前笑住，唔想大家擔心。
媽媽腦退化已經有幾年，平時都仲識自己慢慢行去廁所，雖然要扶，但都叫做有少少自主。點知尋日朝早叫佢起身，佢突然成個人冇晒力，雙腳軟晒，坐都坐唔穩。我同細妹即刻攬住佢，佢望住我哋，好似唔知我哋係邊個。
我哋冇亂郁佢，只係慢慢扶佢坐低，佢冇講嘢，但眼神好驚。我哋都唔知係咪佢病情突然轉差，定係一時氣力唔夠。而家我哋唔敢畀佢自己行，夜晚都要輪流睇住佢，我心入面好亂，唔知係咪要開始諗長期照顧安排。
爸爸一直都話自己「硬淨」，唔睇醫生唔覆診，我哋都係靠姑娘上門抽血先知佢腎功能跌得好快。醫生今次好直接，話佢腎功能得返8%，要準備洗腎。
我細佬聽完即刻話要安排，但爸爸當場話唔洗，話自己年紀大、又有糖尿又有心臟病，仲要成日腳腫，佢話「唔想再搞」。我哋兩姊弟即刻唔敢出聲，唔知應唔應該堅持。
姑娘話如果唔洗腎，毒素會積住，會好辛苦。我問可唔可以唔洗腎但有其他方法，姑娘話可以睇舒緩科，但要醫生轉介。我唔識聽啲醫療術語，只係想知道，唔洗腎係咪真係代表放棄？有冇人試過唔洗腎但都可以舒服啲過日子？