糖尿病照顧心得！

我已照顧爸爸糖尿病兩年幾，好多時覺得自己頂唔住，爸爸確診時血糖高到13、14，唔控制會有併發症例如腎衰或者失明，我聽完心都寒埋。

起初佢唔肯戒甜，成日偷食蛋撻，我返工忙到飛起，夜晚返嚟煮飯又要量血糖，成個人都好攰，不過慢慢摸到一啲方法，令佢情況好轉咗。

多用蒸煮，少油，米飯換糙米，菜多肉少；每日計碳水，買個App記錄，每日飯後拖佢去公園一齊行30分鐘，起初佢成日嗌腳痛，而家自己會定時問我行得未😆😆