純粹分享一下作為照顧者嘅感受。

照顧長者呢條路真係唔容易，有時會覺得現行嘅支援制度對家屬好唔友善。好多服務資訊分散喺唔同部門機構，要自己大量時間搵資料、打電話同申請。

最困難嘅係唔少服務都要長者重新接受評估先可以申請或者續期，對身體虛弱行動不便，甚至有認知障礙嘅長者嚟講，頻繁出入做評估，其實對佢哋同照顧者都係一種負擔。

有時照顧者要配合覆診、評估同安排，要犧牲工作時間甚至收入，另一方面醫療資源緊張、輪候時間長，而當照顧者申請津貼支援時，又未必能夠得到外界理解。

真係會令人身心俱疲。希望將來長者服務同照顧者支援可以更加融合，減少重複程序，令有需要嘅家庭得到更合適嘅幫助。