聖雅各專家問答區！留言問「公私營出院支援服務」
Hello，我係資深護師麥嘉麗！要知道長者離院有咩支援？我哋一齊傾吓！
2月9號起，連續兩星期，我會喺呢度解答大家對本地長者出院支援服務嘅疑問！各位656會員（要先完成登記註冊），喺呢個Post留低你嘅問題或長者狀況，我同656小編都會幫大家搵答案同支援㗎！即刻登記做會員就可以留言，多謝大家！
xxxxxxxxxxxxxxxxxxx
麥嘉麗
註冊護士
認知障礙照顧策劃師
香港老年學會「安老院舍評審計畫」評審員
健康科學學士（護理）
工商管理碩士（健康服務管理）
院舍主管培訓課程（甲）證書
註冊後證書（高級外科護理)
註冊後證書（基層健康護理 地區康健中心）
資深護師麥姑娘，專注護理行政及營運、持續質素改善、認知障礙症照顧、社區關顧共融，以及照護服務的傳承與創新。工作經驗包括醫院臨床護理、安老院舍護理管理至行政營運、社區支援及居家照護、以及教育及推廣，曾任教大專院校及僱員再培訓局的護理課程、也曾為婦女事務委員會、香港公開大學(現香港都會大學)及新城電台夥伴合辦「自在人生大學堂」長者健康與照護共十三集廣播及額外面授課的嘉賓講員，以及為香港社區護理學會的照顧者及外傭照顧課程編制教程及提供培訓。在2025年，麥姑娘分別以特邀演講嘉賓身份到北京分享，以及在港提供照顧者講座。
歡迎麥姑娘出post，大家有關於長者出院支援問題想專家俾意見？記得在這裡留低你嘅問題同長者狀況，麥姑娘同我地656都會幫到你！💯
656小編 @656admin 多謝小編建立這個平台，為照顧者和持份者們更多資訊共享。
請問姑娘我屋企人骨折入院，手尾都長，醫生話要長時間復康。其實應該咩時候搵醫務社工？流程大概係點？我作為照顧者要點配合社工？第一次屋企人出事咁長手尾，唔太清楚，先謝謝你。
另外我如果之後要長時期照顧佢，我可以有咩援助？我都只係基層小市民，比唔起私家！
謝謝您主動提問，也感受到當中的徬徨。
社署資助的長期護理服務(不論是社區支援或院舍照顧)，是根據「安老服務統一評估」的結果來釐定，再由轉介辦事處協助申請「資助長期護理服務中央輪候冊」(中央輪候冊) 輪侯有關服務，而醫院的醫務社會服務正是轉介辦事處之一。
不論申請社署資助的照顧服務、照顧者支援或經濟援助等等，在長者仍留醫期間，是聯絡醫務社工的好時機。因為在出院之後，一般不屬醫務社工的跟進範圍，代表長者／照顧者多需要自行向地區社工尋求協助。
要聯絡醫務社工，較常見是經由病房護士請醫生寫轉介信轉介，再待醫務社工跟進。如經病房轉介，鼓勵你向護士說明轉介原因及可供醫務社工聯絡的資料（包括：主要聯絡人姓名、與病人關係、電話及每日方便聯絡的時間）。如想主動些，也可親自聯絡／親身前往醫院的醫務社會服務部查詢。
至於幾時開始搵醫務社工，這視乎實際需要及長者狀況進長。如在留醫初期已預知有必要性，可預早向病房護士說明，因轉介及跟進流程需時。如在留醫之後才洞悉有關需要，建議在長者稍穩定便盡早進行，讓醫務社工有時間了解情況、到病房評估長者、提供部署建議及聯絡跟進。
照顧者和醫務社工是協作關係，彼此也希望流程暢順。就此，鼓勵照顧者：
1) 善用社區資訊平台，預先了解相關服務 (例如 24小時照顧者支援專線182 183」、656照顧者好幫搜 等等)
2) 預先與長者共識出院及長期照顧方向
3) 如照顧者多於一位，照顧者們宜預先共識哪一位當「主要聯絡人 (「主要聯絡人」盡可能是：方便隨時聯絡、能提供準確資料、能及時和明確地回應、能配合實際跟進行動
4) 如預計需要入住院舍，預早了解各心儀院舍、長者照顧者們達共識、安排篩選次序
5) 預備以上各項，收到醫務社工聯絡時，便可直達主題
如若出院之後需要直接轉至院舍照顧，不論是資助位暫住／短期入住私院等，均需要照顧者向不同服務單位了解、按需要到院舍參觀、篩選、與長者共識之後，再請醫務社工跟進單位聯絡。
如有計劃出院後繼續居家安老，建議考慮「離院長者綜合支援計劃」，可由病房護士轉介，經評估合資格後接受出院初期的支援服務，包括出院規劃及照顧者培訓等等。對出院初期在家復康很有幫助，也能成為之後使用其他社區支援服務的銜接。
援助方面，可分為長者個人、照顧者支援兩方面，由於篇幅較大，並且需要社工評估及協助申請，鼓勵你聯絡醫務社工時一併跟進。
相信小編所分享提供了不少資訊，盼望以上內容對你有助幫。
資深護師 麥嘉麗 多謝你比詳盡意見，我啱啱都搵到社工，你個checklist好有系統，thx so much!
希望麥姑娘可以比意見。
我家人食道有問題，而家係政府醫院吊緊營養奶，醫院應該好快要佢出院。其實係咪姑娘一定會教佢點用奶機袋針喉先出院？我地好多問題唔知點做，但姑娘十問九唔應咁，有無資助或者出院照顧服務可以申請？係咪好嚴重病痛，醫務社工先會幫到手？
吳係咁易架葉師傅 謝謝您的提問！明白當中需要考慮的事情也不少，假如是今次留醫才開始使用奶機餵飼營養奶，由開始嘗試到落實最終可供出院繼續的營養配方，一般需要觀察一段時間，視乎病人消化道適應及吸收情況。
假如病人仍在觀察階段，而病房護士未有透露情況的話，不妨先向家中的緊急聯絡人了解 (因為病房護士一般主要與第一緊急聯絡人聯繫，以確保資訊一致性)。如有需要，看能否與緊急聯絡人一同約見醫生或營養師了解進度。
然而，在病人出院前，病房護士一般會跟進病人出院後的照顧安排，以確保病人獲持續的護理照顧銜接。不論就與所需物資相關的資訊、照顧者培訓、轉介社康護士或離院長者綜合支援計劃等等，均需要透過與照顧者保持良好及具透明度的溝通，以便適時提供協助。
另外，病房護士亦會跟進營養師向照顧者提供有關營養奶、奶機及有關用品資料，以便在出院前預備好所需用量及往後訂購渠道，確保病人獲得持續營養供應。
至於醫務社工所提供的服務，不只著眼於病情，更重視病人實際的照顧和經濟需要，以及照顧者的能力及壓力。故此，如有實際需要，不妨經病房護士請醫生轉介，或主動向醫院醫務社工查詢。
資深護師 麥嘉麗 細心分享，做福大家，新年快樂💞
長期臥床搞到開始出新壓瘡...出院之後諗緊點好，想請問有冇啲實用嘅轉身、減壓或護理技巧可以分享？？
smallcare.life 照顧技巧值得學習！
sunny_ching 謝謝您主動提問！就壓瘡 (現稱 "壓力性損傷") 這題目，《衞生署長者健康服務 - 護老者天地》及《賽馬會流金頌護老有e道》提供了不少相關資訊，鼓勵到以下連結了解詳情：
- 正確姿勢之預防壓瘡
- 扶抱及位置轉移技巧 (內有一系列短片)
- 皮膚問題及壓力性損傷 (內有一系列短片)
假如出院後回家照顧，建議經病房轉介專職治療師，提供購置減壓床墊或氣墊床等建議。如已形成有傷口，轉介社康護士跟進出院後到戶換症及提供照顧指導。
另外，皮膚的一般護理必不可少，清潔、乾爽和潤膚。至於特別護膚產品的選用，需按長者健康及皮膚狀況而定，建議請病房護士評估及提供協助。
家人住院一個月肌肉開始萎縮，只有每日一次物理治療。想問係咪可以自費加堂？醫院點樣申請額外物理治療服務？🙏🏼🙏🏼🙏🏼
kin.ah 謝謝您的提問！肌肉萎縮的成因可包括健康狀況、營養及復健運動等等，相關的復康照顧也需要彼此配合。
就公營醫院的物理治療服務而言，在留醫期間，病人所接受服務節數，主要按治療師評估後建議而定 (包括對病人能力和耐力的評估)。
而成功爭取額外／外來服務節數與否，上述治療師評估及建議，還有如何釐清專業責任等等，都可以成為醫院方的考慮因素。
現實中，公營醫院一般不接受外來的治療服務，但病人家屬當然可以嘗試提出。另一方面，也可以請病房護士協助轉介物理治療師，由治療師指導家屬在探病時協助病人進行有限度的復健運動。
有些家屬會安排私營服務，為留醫家人申請每日數小時外出 (常見是「回家渡假 Home Leave」) ，以便外出家聚、接受檢查或治療等等。宜預早與病房護士溝通好，事前獲主診醫生簽批，彼此共識有關安排。
爸爸因尿道炎住院近一個月，原來中了抗藥惡菌CPE。醫生說只可繼續觀察。請問家居要有任何準備，等他出院？謝
ahlong_2311 有需要可以撳呢度 WhatsApp我地
同我地專員分享你嘅情形，睇吓有咩支援可以首先幫到你。
ahlong_2311 預早了解相關知識和技能，有助出院前部署及日後照顧。但因CPE是一個簡稱，請先確保你提及的CPE是指「產碳青霉烯酶腸道桿菌(Carbapenemase-Producing Enterobacteriaceae)」，以下回應才適用。
產碳青霉烯酶腸道桿菌 (Carbapenemase-Producing Enterobacteriaceae, 簡稱CPE) 屬多重耐藥性菌類，即是使用多種常用抗生素，也難以有效抑制／殺死，以致難以治療。
它主要經由接觸傳播 (包括直接及間接接觸)，而日常生活的感染控制尤其重要。因為安老院舍是長者群居的家，當中內容較詳細，所以也分享供你參考。以下近年由衞生防護中心提供給市民／安老院舍的有用資訊：
2) 衞生防護中心 - 感染控制須知 (內有大量有用資訊)
3) 衞生防護中心 - 安老院舍潔手及感染控制影視教材」專頁
謝謝您的提問，盼望以上資訊能幫助你。
長期探病身心俱疲，每日都驚接到醫院電話，壓力好大......
三文治中間嗰塊 明白，有需要可以撳呢度 WhatsApp我地
睇吓有咩支援可以幫忙。
媽媽尾椎皮膚長期受壓變差，有咩護膚品或藥膏更有效？聽聞敷料膠布？魚油？Hyper oil ？幫唔幫到？
yy1999 皮膚長期受壓，有機會形成壓力性損傷（俗稱"壓瘡"）。壓力性損傷是指骨隆突處的皮膚損傷，一般因成包括：持續受壓、摩擦力、剪力、浸濕所致。主要分為四期。
護理重點包括：
1) 減壓、轉身及注意正確姿勢
2) 一般皮膚檢查及護理
3) 失禁皮膚護理
4) 建構有利皮膚環境
5) 足夠合宜營養
6) 避免肢體攣縮
7) 善用輔助工具
8) 發現異常時及早介入
衞生署長者健康服務「正確姿勢之預防壓力性損傷」「扶抱及位置轉移技巧」、醫院管理局「智友站 - 壓力損傷」、以及賽馬會流金頌護老有e道「皮膚問題及壓力性損傷」，都提供了一系列的資訊和教學影片，當中有更詳細講解和示範。
謝謝您的提問，盼望以上內容及連結有助您的照顧。
朋友屋企人行動不便要臥床，啱啱先出院，但一星期內要返醫院覆診，有咩方法安排安全運送？
耀flex 醫管局係有非緊急救護車，不過病人要向專科或者病房職員申請，仲要經醫護人員評估～
耀flex 有需要可以撳呢度 WhatsApp我地
睇吓有咩支援幫到你朋友屋企人。
長者準備做乳癌術前治療，但體弱兼記憶退化，難以配合飲食同照顧。照顧者可以點樣應對？
因為體弱與記憶退化有些分別，需要了解她表現得難以配合的原因，可包括：
1）體力和耐力
例如體弱難以完成進食過程，可嘗試餐前足夠休息、少量多餐、集中提供富營養食物、注意色香味和食物溫濕度、進食時有舒適坐姿、輕鬆少滋擾的環境等等。另外，可經醫生轉介／使用私營服務，接受營養師建議的營養補充，以及物理治療師建議的復康運動等等。不妨參考賽馬會流金頌護老有e道「老唔惱 – 耆妙飲食: 食得耆福」和當中的「如何鼓勵有飲食問題的長者進食」
2）吞嚥能力
如因吞嚥能力轉弱影響進食意慾，建議經醫生轉介／使用私營服務，接受言語治療師評估和建議，促進進食量。
3）情緒心理
如患病影響病者情緒，出現拒絕進食／接受照顧，建議繼續照顧的同時，也通知醫療團隊，以便醫護專職、臨床心理學家或精神科等等評估和協助
4）認知力
假如本身患有認知障礙症，以下可進入部份參考資源：
5）緊急情況
如遇嚴重脫水／營養欠佳令體內電解物失衡，除了影響身體和認知力，亦有可能出現精神混亂的狀況，這些都需要盡快醫治，建議送院檢驗和接受緊急治療
盼望以上內容有助照顧，亦建議接受評估了解實際狀況及跟進。謝謝！
另外想問多少少關於醫管局非緊急運送服務嘅車出入醫院，係咪照顧者可以替長者申申請？
easy.travel 一般向病房／門診部護士提出，再經護士預約，亦可使用私營服務，請參考過往的分享資料。謝謝！
爸爸身體機能尚可，入院後突然唔再吞食物亦唔講嘢。依家做緊舒適餵飼，但食量極少。會建議插胃喉嗎？
建議先留意現時營養狀況，如有迫切營養不足、脫水或電解物失衡狀況，需盡早求醫，先處理急症狀況。至於是否插胃喉，或選擇繼續舒適餵飼，很視乎有沒其他替代方法、長者自身意願、照顧能力等等。以下視訊供參考：
大銀的視頻節目【50+啱傾】「吞嚥困難一定要插鼻胃喉？還有甚麼選擇？3個方法與家人溝通做決定」
賽馬會流金頌護老有e道「老唔惱 – 耆妙飲食: 食得耆福」
新手照顧 準備接行動不便 兼吞嚥困難嘅長者出院 有乜嘢必需用品要事前準備？thx
豪大大2.0 飲食要搵專家評估食邊類軟餐先，就算你打算自己煮都真係同普通三餐好唔同架！
豪大大2.0 有需要可以撳呢度 WhatsApp我地
同我地專員分享你需要邊類型支援，公私營短期我地都有，超過2100護老服務 ！
長者因肺炎入院後需要高濃度氧氣，醫生話要種菌再轉去療養院接受抗生素治療。作為家屬，我應該點樣同院舍同醫院溝通，先可以確保佢得到適當照顧？
同埋長者對於不斷轉換環境，唔知係咪好不安，不停氣喘，應該點好？
Lai爆舞台 謝謝您的提問！
一般雙方會在專業層面溝通，即病房會與院舍直接溝通有關出院安排和照顧重點，包括氧氣治療的方式和濃度等等，以及協調有關訂購／租用製氧機和相關物資，出院時亦會提供備忘給院舍的。另外，院舍亦需就有關護理照顧及防火安全等，為員工提供指引、培訓和監督等等，以確保護理質素。亦可參考智友站所提供的「家居氧氣治療小冊子」。
另外，除了環境因素，不安亦可因呼吸困難、體內血氧供應不足或其他不適等等的原因引起。多加陪伴、安慰，協助轉換舒適姿勢，營造較輕鬆舒適的寧靜環境，嘗試進行「漸進式肌肉鬆弛練習」，讓其靜心休養和恢復，有助舒緩不安情緒。
可收看e2Care康程式的「紓緩氣喘的方法及清痰技巧」，了解更多呼吸困難患者的需要及照顧技巧。
老人家被建議要用營固粉
而家唔願飲水
搞到成日尿量好少
有咩方法可以令佢肯飲多啲水？
大霧山 謝謝您的提問！
凝固粉用於增加流質食物的黏稠度，以符合國際吞嚥障礙飲食標準化創辦組織 The International Dysphagia Diet Standardisation Initiative (簡稱IDDSI) 的「IDDSI 吞嚥障礙患者的飲食框架」，為促進患者的飲食安全。凝固粉常見有兩種：
1）改性澱粉類
傳統常見，加入後會令飲料變得渾濁。口感像濃湯／芡汁的「芡粉感」，若需稠度高，即需較多凝固粉，「芡粉感」或更重。但稠度的穩定性較低，入口後較易被唾液中的酵素分解，長時間放置可能變稀。屬澱粉類製品，或會影響血糖，糖尿病患者宜慎用。
2）多糖類／黃原膠類
較新種類，透明無味，較能保持飲品原來的外觀。穩定性較高，即使加入溫熱液體，亦能維持較久的穩定黏稠度。口感較順滑、與飲品原來的口感較相近，也較少出現「芡粉感」。因不屬澱粉類製品，有需要的糖尿病患者一般較常獲建議選用。
消費者委員會曾就市面不同凝固粉產品作比較，詳見第549期《選擇》期刊的「[吞嚥障礙… 如何自製與選購照護食？](<https://www.consumer.org.hk/tc/article/549-dysphagia-diet/549-dysphagia-diet-care-food >)」
就以上資料，可以理解拒絕飲水或因口感、溫度或心理因素引致。可嘗試：
1）調整口感與味道
- 更換凝固粉種類 (經專業建議)
- 增加風味 (例如淡檸檬汁、果汁、蜂蜜、淡茶或運動飲料等等)
- 改變溫度 (冰涼飲料能提升飲用意慾)
2）多元化的水分補充
- 天然稠狀食材 (例如營養布甸、乳酪、蒸蛋、湯或果蓉)
- 以富含水份的瓜、果、蔬菜補充水份 (經專業建議)
3）改善餵食環境和技巧
- 合適姿勢：正坐90度、吞嚥時稍垂下頭)，避免因顧慮嗆咳而減少飲水
- 口腔準備：日常性常做「[口腔練習](<https://youtu.be/vEywdgd5tgM?si=KSEVdrMKlN2ycZrF >)」維護吞嚥功能，進食前進行簡單口腔按摩（如嘴唇、牙肉）
- 每口份量：使用小湯匙，每口小量餵食，給予舒適寧靜環境和充足時間用餐，用餐時避免催促或交談
- 智友站「餵食貼士」短片中亦有提供相關指導
4）尋求專業評估及建議
如有需要，建議尋求相關醫護專職協助，重新評估及建議。
謝謝🙏3
見坊間有唔同離院支援服務？想了解質素如何？跟進同上門支援可以幾長？thzzz
想問下長者拉拉褲？大b平時行到，但有時行唔切或者瞓得冧要用拉拉褲，想揾好用又唔焗身🙏🏼
manman.lam 謝謝您的提問！
因為對不同產品的接受程度，以及經濟負擔能力因人而異，故難以以偏概全。
假如長者只是輕量滲濕，可考慮試用尿墊 (有分男／女的)，促進舒適度。
若果尿褲是必然選擇，建議索取試用裝／購買輕量試用裝，評估一吓產品：
1）呎碼及腰圍彈性
2）在身上的覆蓋度
3）質地舒適和柔軟度
4）防漏邊的彈性、闊度和舒適度
5）一般吸濕和重點吸濕範圍的大小
6）吸濕力和鎖水力
7）有沒其他設計能減少對皮膚的刺激
8）除下來後，有沒黏貼方便封好後棄置
可以的話，讓長者嘗試感受／試穿，看看長者評價和實際效果再選購。
有遇過家人買咗扶手架、床架俾長者，但結/果長者反應好大，仲鬧話好似準備後事咁，有冇其他容易接受嘅輔助工具？
may020 有需要可以撳呢度 WhatsApp我地
睇吓有咩support，可以幫輕你嘅照顧負擔！
呢類電動車我街見有老人家用，比正常細架，但係驚轉彎易反車，係咪安全？
uber6418 我同村都有人用呢款，都穩陣啦，轉彎唔好太側身！
爸情況愈嚟愈差，點開口講送去安老院？
想問下護士，我屋企長者最近做完住院治療返屋企後，突然變得完全唔肯食嘢飲水，見到匙羹或飲管就即刻夾實嘴，有時吞到一兩啖又會含住唔吞，等我行開就吐返出嚟。不過佢精神又好似正常，仲識回應。我而家好擔心係咪吞嚥出咗問題定身體有變化，想問下應該點判斷？又有咩安全餵食方法可以試？唔想佢營養唔夠但又驚嗆到
阿檸 有需要可以撳呢度 WhatsApp我地
睇吓有咩support，可以幫輕你嘅照顧負擔！
想了解醫療費豁免嘅詳情？屋企有位八十幾歲嘅長者，近年出入醫院好頻密，一年都要住幾次院。如果之後公營醫療加價真係幾大壓力。上網見到話 75 歲以上好似有啲豁免或者資助，但資料好亂，唔知係咪人人都可以申請，定要達到某啲條件？想問下實際點申請、要預備啲咩文件、通常批唔批到？謝謝！
舅父中風入院後，期間再中多幾次，但依家慢慢好緊。工人仲未到港，醫生就不停叫家人安排出院，又提議去院舍，但屋企真係冇能力再比院舍費。依家夾喺中間好大壓力無助又唔知可以點樣爭取多啲留院時間或者支援。想問下有咩途徑可以幫到手？🙏🙏🙏
嘉道理農場 有需要可以撳呢度 WhatsApp我地
睇吓有咩support，可以幫輕你嘅照顧負擔！