見有唔少人講起長輩食得少，我都想分享下自己照顧晚期老年癡呆症媽媽一啲經歷。
媽媽開始唔識食嘢，一開始，我以為只係冇胃口，點知原來好多晚期老年癡呆，都會因為大腦退化慢慢唔識點食嘢。醫生解釋過佢地分唔清乜嘢係食物，又或者忘記點樣咀嚼、吞，所以經常將食物含喺口度唔吞，有時會食幾啖就咳到好勁，之後就更加抗拒開口。發現問題嗰陣我開始留意到幾樣嘢：每餐餵好耐，媽媽將飯含喺咀好耐，甚至會吐返出嚟。食流質都會不停咳，好似好辛苦咁，試過吸入性肺炎，覺得自己餵錯嘢害咗佢。
後來醫生轉介咗言語治療師幫媽做吞嚥評估，教咗我幾個好重要嘅位：坐直身、頭微微向前、每啖細啲、慢慢餵，食物要按情況調較軟腍或者杰。雖然唔可以完全解決問題，但咳情況真係少咗，我自己都冇咁驚，每餐唔再餵到手震。
插唔插鼻胃管呢？媽媽病情再差啲，食量愈來愈少，醫生同我哋提可以考慮鼻胃管，或者繼續人手慢慢餵，只係營養未必足夠。嗰刻好矛盾，一方面驚佢營養唔足，另一方面又擔心插咗管會好唔舒服、成日想扯出嚟，生活質素再跌多級。
最後我哋同醫生傾咗好多次，問清楚插管、人手餵食對肺炎風險、存活期、舒適度有乜影響，先慢慢揀到一家人都相對心安嘅方向。
老實講，無論點揀都會有內疚位，只能提醒自己，已經係用到有嘅資訊，當下做最好嘅決定！
大家好，我阿爸去年確診喉癌，做咗手術氣切，講唔到嘢，由一開始見到佢辛苦樣，我成日喊，覺得點解會咁。但照顧咗半年，學到好多嘢，嚟分享下希望幫到同路人。
飲食真係最大挑戰，阿爸吞唔落硬嘢，我每日煮軟爛粥、蒸蛋、肉碎粥，有時會加西式牛油香料調一調味無咁悶，高蛋白高熱量，少量多餐一日6-7次，避免辣酸鹹同酸果汁。起初佢都食得少，後來醫生建議如果真係頂唔住，可以考慮鼻胃管，但我尊重爸意願，自己辛苦少少，先試人手小心餵食，慢慢佢習慣咗，體重都穩住。
傷口同呼吸都要留心，氣切口每日護理，引流管要留意流量，術後半坐臥抬高床頭防感染。呼吸道就易有痰，我學咗幫佢抽痰，雖然辛苦但見佢舒服啲，都值得。
不過最難其實都係溝通，阿爸講唔到用筆寫用手勢，有時會忟憎。傷口好啲後，社工refer語言治療師練發聲，仲教佢落床活動下拉筋。
雖然康復路仲好慢長，但學到耐心同珍惜，多謝大家！
我婆婆中風後一直做緊復康訓練，不過發現佢有時都唔太主動做運動，成日話攰或者提唔起勁。明知運動對中風康復好重要，但我又唔想催得太緊，驚佢覺得壓力大或者忟憎。
想問下有冇人有同樣經驗？大家會點樣鼓勵中風人士保持運動習慣？另外都想了解下有冇啲適合中風人士嘅輕鬆運動分享，等佢哋可以健康啲、開心啲咁復康～
我舅父肺有事呼吸爭啲，嚟緊二月會帶佢飛英國現場睇利記圓佢心願，我自己出發前有研究過資料，希望幫到大家～
- 最好睇下家庭醫生做簡單健康評估，帶齊用開嘅藥同病歷
- 揀目的地要小心，唔好揀太高海拔或者天氣太極端，行程盡量慢，唔使太趕
- 藥物拐杖、保暖衣物記得帶足，另外旅遊保險最好買埋包醫療運送嗰種，安心好多
- 途中準時食藥、多飲水休息，同埋注意交通安全～咁樣就可以開心去旅行啦！
蔬菜和水果是長者飲食不可或缺的重要部分，富含維他命、纖維和抗氧化物質，對保持長者身體機能和免疫力十分重要。不過，近年越來越多研究指出，部分生果和蔬菜可能殘留農藥，若長期過量攝入這些農藥，會對健康構成隱...
想幫屋企長輩「健腦防癡呆」，又不知該從何開始？本文會由家居認知訓練活動、長者認知訓練教材下載，到香港專業課程及政府資助，一次過告訴你。歡迎照顧者分享實戰心得，一齊為長者打造適合自己的認知訓練計劃。
題目的意思正是不少求診的照顧者，想找早期檢測，想找醫生斷症，但好像不知道應到哪裡求助。首先有幾個概念大家需要分...
查看原文
「照顧者」是一條漫長之路，每個階段都會遇到不同的問題與壓力。早前「中華民國家庭照顧者關懷總會」提出《五階段家庭...
查看原文